Magapatigayon sang separado nga imbestigasyon ang National Police Commission – Negros Island Region sa natabo nga shooting incident sa Sibulan, Negros Oriental, kun sa diin involved ang mga pulis.
Sa interview sang Bombo Radyo Bacolod kay NAPOLCOM- NIR Director Atty Owen de Luna, naghatag na ini sang direktiba para magkuha sang nagakaigo nga mga impormasyon kag ebidensya angot sa natabo.
Suno diri, lantawon sini kun ano nga tikang ang ginhimo sang mga police investigators sa insidente.
Luyag man sini mahibaloan kun paano nga yara sa sulod sang Resto Bar ang mga pulis, kun ngaa indi patrol car ang gingamit sa pag-aresto, kag kun ano ang pagresponde sang mga pulis.
Pahayag ni De Luna, indi lamang dapat nga hibaloon kun ngaa nagakatabo ang kaangay nga insidente sa mga kapulisan apang dapat man hibaloon kun paano nga involved ang mga pulis diri.
Nagapangayo ini sa publiko sa pagpatigayon sang imbestigasyon agud mapaggwa kun ano ang kamatooran.
