Nakabaton sang award bilang Most Innovative Airport Police Station ang Aviation Security Group sang Bacolod Silay Airport Police Station.
Sa interview sang Bombo Radyo kay Police Major Deejay Domingo, station chief PNP, nakabaton sila sang award sa pagpanguna ni Police Lt. Col. Jonathan Papay, Officer-In-Charge sang Aviation Security Unit 6.
Suno diri, may yara sila sang mga project nga makabulig indi lamang sa mga personnel nila apang amo man sa tanan nga nagagamit sa airport.
Kaangay na lamang sang bahay kubo nga project nila kun sa diin ang mga stranded nga passenger sa airport ang mahimo makatulog sa bahay kubo kag sila ang may libre pa nga pagkaon.
Nagapili sila sang pasahero nga nasstranded kag ginahatagan sang award sa pagdaog sA pagtinir sa Bahay Kubo.
Nagapatigayon man sila sang feeding program sa Sto Rosario Elem School, community services kag kun kaisa nagapanghatag sang helmet.
Suno kay Domingo, nalipay ini sa karun nga nadevelop na ang ila estasyon mas nagdamo na ang ila mobility kag office equipment.
