Nagbata ang isa ka iloy sa parking area sang Bacolod City Government Center matapos maalangan kag indi na makahingagaw magpadulong sa ospital.
Sa interview kay Bacolod City Mayor Alfredo “Albee” Benitez, bangod indi na makahingagaw padulong sa ospital, ang salakyan nga nagadala sa nagabusong ang nagliko na lamang padulong sa BCGC kag didto nagpangayo sang bulig.
Ang babayi ang ginpabata ni Sir Dondon, anay officer in charge sang Bacolod City Disaster Risk Reduction and Management Office kapin alas-8:00 tubtob alas-9:00 kaina sang aga.
Pasalig ni Benitez parehas nga healthy ang iloy kag ang baby nga babayi.
Ang lapsag ang ika-apat na nga bata sang babayi.
Pahayag pa sang alkalde nga nakabati ini impormasyon nga kaangay pangalanan ang lapsag nga “Albea Bless.”
Nagpasalig man ang alkalde nga willing man ini inkaso nga tanyagan nga mangin maninoy sang bata.
