Nagsuprer sang depression ang isa ka babayi sa China matapos aksidente nga nakit-an sang window cleaners nga wala sang panapton sa iya apartment.
Ang insidente nagluntad sang Abril kun sa diin suno kay Mr Cheng, ang bana sang babayi, nagsuprer sang depression kag anxiety ang iya asawa.
Suno diri, napahibalo na nila ang management nga ipahibalo anay sa ila ang schedule kun san-o ginalimpyohan ang mga glass walls apang ila ginkakibot nga may duha ka workers nga nakit-an sa gwa sang ila bedroom window.
Suno pa sa iya, nagatulog ang iya asawa nga wala sang panapton, kag tuman ang iya kakibot sang makit-an ang duha ka tawo sa bintana.
Nagdemand si Mr Cheng sang public apology kag reasonable compensation package halin sa apartment management, apang wala nagpahanugot diri ang management.
Nag-ibwal ang issue sa China kun sa diin may iban nga naghambal nga may sala ang property management bangod wala sila nagapahibalo sa mga residente antes ang cleaning operations samtang ang iban naman ginbasol ang babayi nga nagatulog nga wala nagasira sang kurtina.
