Nagtukod sang Special Investigation Task Group (SITG) ang Negros Occidental Police Provincial Office (NOCPPO) para imbestigaran ang natabo nga engkwentro sa Brgy Salamanca, sa banwa sang Toboso, Negros Occidental sang Abril 19, 2026.
Sa interview sang Bombo Radyo Bacolod kay Police Captain Judesses Catalogo, spokesperson sang NOCPPO, ginahulat na lang ang resulta sang autopsy examination sa 19 ka mga gina-alegar nga miyembro sang New Peoples Army nga napatay sa engkwentro.
Suno diri, pagkatabo sang engkwentro may ginpadala gilayon nga investigator, Scene of the Crime Operation (SOCO), kag Criminal Investigation and Detection Group (CIDG) para maimbestigaran ang natabo.
May ginkuha nga mga DNA sample, mga mahimo magamit bilang ebidensya, kag iban pa nga magamit sa pagpatigayon sang imbestigasyon.
