Ginhatagan sang award bilang isa sa outstanding tanod sa ciudad sang Bacolod ang babayi nga Brgy tanod sang Brgy Taculing, Bacolod City.
Sa interview sang Bombo Radyo kay Janet Sumagaysay Palma, dako ang nangin bulig sang iya trabaho sa pagpa-eskwela sini sa iya tatlo ka bata bilang solo parent.
Suno diri, pito ka tuig na ini nga brgy tanod kag madamo na ini sang natun-an kaangay na lamang sa search and rescue, kun may fire incident, pagrobing, traffic enforcers kag pagsettle sa mga kinagamo nga nagluntad kag iban pa.
Apang, suno diri dapat nga mentally kag physically stable ang mga brgy tanod sa pagtrabaho agud nga mas maimplementar ang peace and order sa tagsa ka area of responsibility.
Dugang pa sini, apisar nga madamo sang trabaho bilang single mom, nagabaligya pa gid ini sang prutas kag utanon.
Suno diri naanad na ini sa madamo nga trabaho.
Sa karun, padayon ang ensayo ni Palma para naman sa regional outstanding brgy tanod competition.
