Dakop ang 31 anyos nga babayi matapos makuhaan sang suspected shabu sa pagbisita sa iya live-in partner nga preso sa Metro Bacolod District Jail (MDBJ) male dormitory sa Barangay Handumanan, Bacolod City, kahapon ala- 1:18 sang hapon.
Ang suspect ang ginkilala nga si Frezel Anne Erespe, alyas ‘Cheche’, wala sang trabaho kag residente sang Purok Pilipinhon, Barangay 30, Bacolod City.
Sa interview sang Bombo Radyo kay Deputy Jail Warden, Jail Inspector Jerry Mercado, sa pagcoduct sang routine seacrh para sa mga magabisita sa Persons Deprived of Liberty, nakuhaan sang suspected shabu si Erespe.
Suno diri, sang ginsearch ang bulsa ni Erespe nagtabog ang sachet sang illegal nga droga.
Ginpanginwala naman ni Erespe nga may dala siya nga illegal nga droga sa panindugan nga ini ang nahulog lamang sang ginkapkapan na siya.// Ginreport sa Bacolod Police Station 10 ang insidente kag gin-aresto si Erespe nga magabisita sa iya live-in partner nga napreso sa kaso may kaangtanan sa illegal nga droga.
Samtang, maka-agi naman preso si Erespe sadto sa kaso angot man sa illegal nga droga.
Sa karun, nakahunong na ang suspect sa Bacolod Police Station 10.
