Babayi nga nasapwan patay kag wala na sang pang-idalom nga panapton sa ciudad sang Talisay, nakilala na

Nakilala na ang bangkay sang babayi nga nasapwan kag wala na sang panapton sa naidalom nga bahin sang iya lawas sa Brgy. Matab-ang, Talisay City, Negros Occidental kaina sang aga.

Sa interview sang Bombo Radyo Bacolod kay Police Major Rhazl Jim Jocson, Deputy Chief of Police sang Talisay City Police Station, ginkilala ang bangkay kay Carl Kimberly Degabi, 31 anyos, residente sang Santa Catalina, St., Eroreco Subdivision, Brgy Mandalagan, Bacolod City.

Ang biktima ang ginkilala mismo sang iya pamilya nagpadulong sa Manapla Funeral Parlor.

Sa karun, padayon pa ang imbestigasyon sang Talisay City Police Station agud nga matumod ang rason sang kamatayon sang biktima