Kalabanan sa aton ang maluyagon maglantaw sang pelikula kag kun kaisa naga-idolo sa mga artista.
Apang, ano ayhan ang mangin reaksyon mo kun ikaw ang nagkarelasyon sa isa ka kilala nga Hollywood megastar.
Ang 53 anyos nga babayi sa France ang gin-scam sang isa ka persona nga nagpakilala nga si Brad Pitt.
Si Anne, nga isa ka French interior decorator, ang madugay na nagapati nga siya ang yara sa long- distance romantic relationship kay Brad Pitt.
Nag-umpisa ang tanan sang may nagmessage kay Anne nga nagpakilala nga si Jane Pitt nga amo ang iloy ni Brad Pitt.
Makaligad ang pila ka adlaw, may isa pa gid ka persona nga nagmessage sa iya nga nagpakilala nga si Brad Pitt.
Nagdugay ang komunikasyon sang duha tubtob nga nadagdag ang balatyagon ni Anne kay Brad Pitt.
Nagpakuno-kuno ang imposter nga siya ang gindala sa ospital bangod sa kidney problem kag indi na nila masarangan ang balayran kadungan sa divorce nila ni Angelina Jolie.
Ginpadal-an ni Anne ang impostor sang $850,000 ukon P49,637,875 apang ulihi na sini nahibaluan nga siya ang biktima sang romantic scam sang nakit-an sini sa TV nga in a relationship si Brad Pitt kay Ines de Ramon.
