Wala pa napahibalo sang Bacolod Bulk Water, Inc. (BBWI) ang Bacolod City Water District nahanungod sa gindagdag nga Cease and Desist Order sang Environmental Management Bureau- Negros Island Region (EMD-NIR).
Sa interview sang Bombo Radyo kay BACIWA General Manager Engineer Michael Soliva, santo sa ila production report, naga-operate sa gihapon ang BBWI kag yara sa 15MLD per day nga supply sang tubig ang gina-provide sa ciudad sang Bacolod.
Ang cease and desist order ang gindagdag bangod sa ginapahayag nga pagpalapad sang proyekto sang BBWI sa Sum-ag River nga wala sang nagakaigo nga environmental permit.
Pahayag sini nga sa subong yara nalang sa 90–95 MLD sang supply sang tubig sa ciudad nga anay 110 MLD.
Dugang pa, madamo sang reklamo gikan sa mga konsumonidor angot sa kakulangan sang tubig bangod sa tuman ka init sang tiyempo.
Gin-athag man ni Soliva nga ginahanda na sang PrimeWater Infrastructure Corp. ang ila mga standby wells bilang contingency measure kun maglala pa gid ang kakulangan sang supply.
