Bukas ang opisina sang Bacolod City Administrator Office kag Department of Social Services & Development magluwas sa Overseas Filipino Worker help desk sang Local Government Unit sa pag-akomudar sa mga apektado sang kinagamo sa Middle East.
Sa interview sang Bombo Radyo Bacolod kay City Administrator Atty. Mark Mayo, nakahibalo ini nga may iban nga Bacolodnon nga luyag magbalik trabaho sa Middle East apang nastranded bangod sa pagsira sang airspace.
Suno diri, nakabaton na ang help desk sang kapin 50 ka tawag sa karun kun sa diin iban luyag na magpauli, samtang iban naman nagapangayo sang pasalig nga kun magpauli sila may yara sang ihatag nga assistance sa ila.
Suno kay Mayo, bisan ang mga nastranded sa Manila nga luyag magbalik na sa Bacolod ginbuligan sang DSSD nga mahataga sang plete papauli.
Pasalig sini nga handa ang City Administrator Office kag Department of Social Services & Development sa pagbulig kag kun indi man macontact ang hotline mahimo nga madamo sang calls ang nagasulod apang may yara man sang help desk nga nahamtang sa lobby sang Bacolod City Government Center.
