Ginpanawagan sang kongresista sa ciudad sang Bacolod sa secretary sang Department of Public Works and Highways (DPWH) nga magresign na.
Ini kasunod sang pagbisita ni President Ferdinand “Bongbong” Marcos Jr sa Bulacan kun sa diin natukiban nga ang P55 million nga river wall sa Brgy. Piel, Baliuag, Bulacan ang wala naga-exister apang completed ang status sang proyekto.
Nagpagwa man sang hibubun ot ang presidente angot diri.
Sa interview sang Bombo Radyo Bacolod kay Atty. Caesar Distrito, spokesperson ni Bacolod City Lone District Representative Alfredo “Albee” Benitez, ang pagpanawagan sang kongresista nga magresign si DPWH Secretary Manuel Bonoan ang bangud nagapadayon ang imbestigasyon sang pila ka mga ahensya sa ginapahayag anomalya sa mga flood control projects.
Suno kay Distrito ang panawagan sang resignation ang agud nga indi maimpluwensyahan ni Bonoan ang resulta sang nagapadayon nga imbestigasyon.
Apang ang presidente man mismo ang nakadiskubre sang mga ghost projects.
Dugang pa sini nga indi nagakaigo nga mag leave lamang sa trabaho ang secretary kundi dapat magresign bangud luyag sang kongresista nga magapadayon ang imbestigasyon kag mahibaluan kun sin o ang sa likod sang mga wala naga-eksister nga proyekto apang completed ang status.
