Nagapati ang konsehal sa ciudad sang Bacolod nga wala sang gamay ukon dako nga komitiba bangod ang importante amo ang pagpatisipar sang konsehal.
Sa interview sang Bombo Radyo kay Councilor Atty Caesar Distrito, importante nga magpartisipar ang konsehal para sa ikaayo sang pumuluyo.
Si Distrito ang chairperson sang Committee on Government Assets, Human Resource and Development, Ways and Means kag Persons with Disability Affairs.
Suno diri, nalipay ini sa ano man nga komitiba nga ihatag sa iya bangod nakahibalo man siya sang iya kapabilidad, kapasidad kag kasarang kag nagapati man si Distrito nga tanan nga konsehal may kasarang nga magtrabaho sa ila komitiba.
Lauman naman suno kay Distrito nga may yara sang deliberasyon bangod ang mga na-eliher nga konsehal lunsay qualified kag competent.
