Nagalaom ang Bacolod City Election Officer nga mapabilin lamag sa green category ang ciudad tubtob sa election day sa Mayo 12.
Sa interview sang Bombo Radyo Bacolod kay Atty Revo Sorbito, ang kalinong sang eleksyon ang yara sa kamot sang mga kandidato kag supporters.
Aminado ini nga indi malikawan ang pagbayluhanay sang mga makahang nga tinaga, apang dapat yara gid gihapon ang respeto.
Sa karun padayun ang lectures sa mga manunudlo nga magaserbe nga electoral boards kasubong man sa mga special electoral boards para sa mga person deprived of liberty (PDL).
Ini naman pagwaon ang mga PDLs para sa pagboto, sa baylo sila ang pahanugutan nga makaboto sa sulod sang Bureau of Jail Management and Penology (BJMP) facility.
Nakaabot naman sa ciudad tinalikdan nga semana ang mga ballot boxes, samtang ang mga Automated Counting Machine (ACM) ang ginalantaw nga maga-abot sa ulihi nga semana sang Abril ukon una nga semana sang Mayo.
Ang mga makolekta naman nga campaign materials sa pagpatigayon sang Oplan Baklas ang iga-imbentaryo sang Commission on Elections (Comelec) agud magamit nga ebidensya inkaso may-ara sang pasakaan sang kaso.
