Arestado ang duha ka High Value Individual sa ginpatigayon sang Bacolod City Drug Enforcement Unit (BCPO-CDEU) nga magkatuhay nga drug buybust operation sa ciudad sang Bacolod.
Una nga nadakpan sa drug buybust operation nga ginpatigayon sa Purok Kabugwason Barangay Mansilingan, Bacolod City kahapon, Marso 29 si Floyd Chan, 36 anyos, driver, single kag residente sang nasambit nga lugar.
Narecover ang isa ka heat sealed transparent plastic sachet nga nagaunod sang suspected shabu; apat ka heat sealed transparent plastic sachets nga nagaunod sang suspected shabu; isa ka knot tied transparent plastic bag nga nagaunod sang sang suspected shabu; P 1000.00 bilang buy bust money; isa ka caliber caliber revolver (Armscor) nga may serial number 64147 kag anum ka 38 live ammunitions samtang may narecover man nga non-drug items.
Samtang sa pihak nga bahin, arestado man si Jison Tanghal,HVI, 29 anyos, single, male, wala sang trabaho kag resident sang nasambit nga lugar kaina sang kaagahon, Marso 30 sa buybust operation sa Prk San Roque 2, Brgy. Handumanan, Bacolod City.
Narecover diri ang isa ka heat sealed transparent plastic sachet nga nagaunod sang suspected shabu; apat ka heat sealed transparent plastic sachets nga nagaunod sang suspected shabu; isa ka heat sealed transparent plastic sachet nga nagaunod sang sang suspected shabu; P 1000.00 bilang buy bust money kag narecover man ang non drug items.
Ang duha ang magapangatubang sang kaso nga paglapas sang RA 9165 ukon Comprehensive Dangerous Drugs Act of 2002.
