Ginkilala ang Bacolod City Fire Station bilang Top 5 finalist para sa Best City Fire Station sa bilog nga Pilipinas.
Sang Hulyo 10, ginpaidalom sa comprehensive evaluation ang Bacolod City Fire Station matapos nakasulod sa Top 5 finalists para sa Best City Fire Station sa Pilipinas gikan sa 149 City Fire Stations nationwide.
Sa interview sang Bombo Radyo kay Fire Superintendent Jenny Mae Masip, City Fire Marshal sang Bacolod City Fire Station, ginpahayag sini nga ini ang labing una nga kahigayunan nga nangin Top 5 finalist ang Bacolod City Fire Station.
Suno diri, madamo sang criteria nga ginabasehan ang evaluators sa pagpili sang Top 5 finalists.
Lakip na diri ang administrative compliances, documentary, financial kag logistical requirements, kasubong man ang Emergency Medical Services (EMS) responses kag special operations.
Isa man sa pinakauna nga requirements nga ang fire station ang yara sa isa ka highly urbanized city kag may nagakaigo nga substations.
Suno diri, lakip man sa 5 percent criteria ang accomplishment kag best practices kaangay sang kalimpyo sang fire station, mga opisina kag mga equipment sang fire trucks.
Upod sang Bacolod City Fire Station sa Top 5 ang Iloilo City, Tacloban City, Pagadian City kag Malaybalay
