Bacolod City Mayor Albee Benitez, aminado nga dapat manabat sa layi ang nagpost sang makabig threat sa kabuhi ni Congressman Greg Gasataya

Para kay Bacolod City Mayor Alfredo ‘Albee’ Benitez, sa teknikal nga aspeto may paglapas sa layi ang ginhimo sang nagpost sang litrato ni Bacolod City Lone District Congressman Greg Gasataya, nga nakablack and white kag may petsa nga 1970-2025.

Madumduman nga ginpost sa facebook page nga Bacolod Expose 2.0 ang litrato ni Gasataya nga kaangay siya ang tubtob na lamang sa karun nga tuig.

Suno sa alkalde, indi manami nga pamaagi sa pagpangampanya ang pagguba sa iban nga kandidato nga indi luyag pag-updan.

Suno diri, lantawon dapat ang performance sang kandidato kag ang governance sini kag indi ang mga butang nga makapalain.

Pahayag ni Benitez, mas maayo nga magfile sang charges batok sa mga nagahimo sang indi manami.