Personal nga gindul-ong ni Bacolod City Mayor Greg Gasataya ang mga materyales sa pagpatukod sang balay sa mga pamilya nga ginrelocate sa Prk Arao, Brgy Vista Alegre.
Madumduman nga sang Enero 15, may ginpatigayon nga demolition sa 27 ka mga pamalay nga yara sa tunga sang Mambuloc Creek sa Prk Balinday sa Brgy 2.
Ang mga apektado ginhatagan sang relocation sa Prk Arao, Brgy Vista Alegre.
Sa interview kay Gasataya,naghatag ini sang materyales sa mga pumuluyo bangod indi sini luyag nga mapabay-an ang mga ginrelocate.
Suno diri, matahom ang relocation site kun sa diin concrete ang dalan, may drainage, may poste, kuryente kag tubig kag kaangay nga subdivision ang lugar.
Naghatag si Gasataya sang 10 ka sheets sang sin, isa ka kitchen kit, kag duha ka family food packs para sa tagsa ka pamilya
Samtang, may ibutang naman nga solar lights para sa komunidad.
Pasalig ni Gasataya nga handa, willing, kag preparado ang ciudad nga magbulig sa mga pumuluyo sa ano man nga sitwasyon.
