Amat-amat na nga nagapreparar ang Bacolod City Police Office sa mangin augmentation para sa Undas 2026.
Sa interview sang Bombo Radyo Bacolod kay Police Lt Col. Lester Leada, deputy city Director for Administration sang Bacolod City Police Office, sila ang nagakoordinar na sa mga local government units, kag lauman ang mga mahimo ipatuman nga road closures.
Partikular na sa bahin sang Burgos Public Cemetery kun sa diin may-ara sang ginaconstruct.
Ginahatag na nila sa Bacolod City Legal Office ang arrangement, samtang ang kapulisan ang magabulig man sa Bacolod Traffic and Transportation Management Department (BTTMD) sa pagderiher sang trapiko.
Paathag ni Leada nga sa private cemetery, nakadepende sa management ang mga regulasyon, apang pasalig niya nga magahatag gihapon sila sang police assistance.
Samtang sa public cemetery, panawagan sini sa publiko nga magsunod sa mga patakaran.
Pahanumdom niya nga ginadumilian ang panahor sa sulod sang sementeryo, pagdala sang patalom, armas-luthang, kasubong man ang speaker ukon magpatukar sang music bilang pagtahod sa mga minatay kag sa ila himata.
Pasalig ni Leada nga full force ang kapulisan sa pagbantay kaupod sa iban pa nga law enforcement agencies.
