Magapatigayon sang backtracking ang Bacolod City Police Station 5 sa gina-alegar nga ginsalvage nga lalaki nga nasapwan sa Bangga Yap Barangay Alangilan, Bacolod City kahapon.
Ginkilala ang biktima kay Christian Bawang, 27-anyos kag residente sang Purok Villamar, Brgy. Estefania, Bacolod City.
Sa interview sang Bombo Radyo Bacolod kay Police Major John Joel Reclamado, station commander sang Bacolod Police Station 5, nasapwan ang bangkay nga may duct tape sa nawong lakip na ang baba sini kag may igo sang bala sa ulo.
May yara man sang karton nga ginbutang sa biktima nga may nakasulat nga “Winston bawang ikaw dason pusher”.
Nahibaluan nga si Winston ang amay sini nga sadto naka-aki na nga ginbuy bust sa illegal nga druga.
Suno kay Reclamado, ipangstekyar nila ang mga CCTV agud makit-an kun sin-o ang ulihi nga upod ni Christian kag tsekyaron pa kun may record man ini angot sa illegal nga druga matapos nga may nakuha nga lima ka sachet sang white crystalline substance sa bulsa sini nga ipatsekyar pa kun ini bala illegal nga droga.
