Ginalauman nga matapos sa bulan sang Oktubre ang ginatukod nga Bacolod Masskara Coliseum.
Madumduman nga gindagdagan sang notice sang ciudad ang kontraktor sang amo nga collieseum agud mapadasig ang pagtapos.
Suno kay Bacolod City Engineer’s Office Head Engr. Loben Seballos, yara na sa 76 percent ang completion sang coliseum kun sa diin ang nabilin na lamang amo ang mga installation sang mga equipments kaangay sang escalator, elevator, generator set, aircon, mga pulungkuan kag mga finishing kaangay sang painting kag ceiling.
Suno diri, ang pila ka mga pulungkuan ang foldable kag movable nga mahimo masaylo kun may patigayunon nga event kaangay sang concert.
Suno Seballos, yara sa 8, 000 tubtob 12, 000 ang mahimo nga ma-akomodar diri kun sa diin sarang magamit sa mga sports events kaangay sang basketball kag volleyball kasubong man sang concert.
Pahayag sini, may rubber match man nga igabutang sa flooring agud may proteksyon kun may iban nga sports events nga pagahiwaton diri.
