Preparado na ang mga kapulisan sa ginalauman nga pagdinaguso sang mga tawo sa pagbukas sang Lights On Ceremony sa plaza sa syudad sang Bacolod.
Sa interview sang Bombo Radyo kay Police Major Ramel Sarona, kapin 50 ka mga miyembro sang mga kapulisan gikan sa Police Station1 kag Bacolod City Police Office, ang iga-deploy bwas sa Lights On Ceremony.
Ginahingyo ni Sarona ang publiko nga magsuksok sang facemask kag indi mag tumpok-tumpok bangud ang COVID-19 ara sa gihapon ang COVID-19.
Nagpanugyan man si Sarona nga mag-aligmat kag bantayan gid ang mga personal nga kagamitan sa tion nga maglantaw sa lights on ceremony.
Ginpahayag man sini nga mas maayo kun may yara sang bilin nga tawo sa balay agud magbantay.
Samtang, mahibaluan nga may yara sang naplastar nga road closure ang Bacolod Traffic Authority Office para sa opening sang lights bwas.
