Ginalantaw sang Bacolod Police Station 5 nga mismo sa Hacienda Carmen, Barangay Granada ginpatay ang biktima nga si Erwin Abitong kaina sang kaagahon.
Sa interview sang Bombo Radyo Bacolod kay Police Captain John Christopher Masangkay, station commander sang Bacolod Police Station 5, may yara sang concerned citizen nga nagreport sa ila nga may yara sang nasapwan nga bangkay sa nasambit nga lugar.
Suno diri, ginpahayag man sang pumuluyo sa lugar nga nakabati sila nga daw may nagabais mga ala-1:00 sang kaagahon apang wala man nila ginsapak bangud natural lamang ini nga nagakatabo sa lugar.
Suno sa station commander, kutsilyo ang gingamit sang suspetsado apang wala ini narecover sa crime scene.
Nagapadayon sa karun ang imbestigasyon sang mga kapulisan agud matumod ang nagpatay sa biktima.
Suno kay Masangkay, gincheck na nila kun may yara sang record ang biktima kag nakita nga wala ini sang record.
Suno kay Masangkay, ginapaback track pa nila ang cctv footage halin sa area sang SM City agud nga makita kun may yara na sang kaupod ang biktima antes nagpadulong sa Barangay Granada.
