Ginbuslan sa selda sang duty jailer kag desk officer sang Bacolod Police Station 9 ang ila isa ka inmate nga nakapalagyo kahapon sang aga.
Una diri, ginkumpirmar ni Bacolod City Police office (BCPO) Spokesperson Police Lt. Colonel Ariel Pico, nga alas-11:02 kahapon sang aga sang nakapalagyo ang inmate nga si Gabriel Liboon, 29-anyos sang Purok Nami-nami 1, Brgy. Sum-ag, Bacolod City.
Ini matapos nga iya ginlukit ang kandado sang selda gamit ang BBQ stick.
Si Liboon ang naaresto sang Enero 8, 2020, lamang sa kaso nga paglapas sa RA 9165 kasunod sang buybust operation batok sa iya.
Sa karun nagapadayon ang pagpangita sang Station 9 sa suspetsado.
Samtang hilway sa guwa sang prisuhan si Liboon, ginbulos sa sulod sang selda ang duty jailer nga si Police Staff Sergeant Jose Miguel Rogacion kag ang desk officer.
Ini matapos sila ang ginreklamo sang Infedility in the Custody of Prisoner.
Nahibaluan nga “strike two” na ang BCPO sa kaso sang pag-eskapo sang mga inmates.
Nagliligad lang nga semana sang apat man ka inmates sang Police Station 3 ang nag-eskapo apang nagsungka man sang ulihi kun sa diin ang isa ang pinaagi pa sa bulig sang Bombo Radyo Bacolod.
