Ginapreparahan na sang Bacolod City Police Office (BCPO) kag Bacolod Yuhum Foundation ang nagahilapit nga Masskara Festival 2024.
Suno kay BCPO Community Affairs and Development Unit Chief PLt Col Bonifacio Ancajas Jr, ginalauman sini nga masobra pa sa 2 million ka mga tawo ang magabisita sa ciudad para sa Masskara Festival humalin sa Oktubre 11 tubtob sa Oktubre 27.
Suno diri, wala pa sang actual list sang schedule sang activities apang handa ang BCPO nga maghatag sang seguridad para sa safety sang mga festival goers.
Apang, ginatarget naman sini ang usual nga apat ka lugar nga ginapatigayonan sang activties amo ang Bacolod City Government Center, Bacolod City Public Plaza, Megaworld, kag Lacson Tourism Area.
Suno kay Ancajas kun mahibaluan na ang final nga venues kag schedule of activities, amo na kag mahibaluan kun may yara sang iga-augment nga police personnel naggikan sa Police Regional Office 6.
