Kadungan sang pagsaka sang kaso sang dengue sa karun nga tig-ululan, ginpahayag ni Health Secretary Ted Herbosa nga posible nga aprubahan sang Philippine Food and Drug Administration (FDA) subong nga tuig ang lisensya sang isa ka second-generation dengue vaccine.
Ang ginatumod ni Herbosa amu ang QDENGA vaccine sang Japan-based Takeda Pharmaceuticals, nga naka-apply na para sa isa ka certificate of product registration (CPR) nagikan sa FDA sang tinalikdan nga tuig.
Suno kay Herbosa, ang usual process ang masami nga nagalab-ot sang isa ka tuig gani kun sang tinalikdan nga tuig sila ang nag-apply na, anytime subong nga tuig ini ang sarang na nga magwa.
Nagpasalig man ini nga magaabot ang bag-o nga bakuna kag ang importante sa karun amu nga mapahibalo sa mga pumuluyo nga nagasaka ang kaso sang dengue kag makontrolar ini sa madamo nga paagi.
