Ginpasalamatan sang bag-o nga gobyerno sang Syria ang walo ka mga pungsod sang Huwebes bangud sa gilayon nga pagbukas sang ila diplomatic missions matapos ang madasig nga ginpahalin sang mga rebelde sa pwesto si President Bashar al-Assad sang weekend.
Ang opensiba, nga nagdugay sang napulo ka adlaw sa palibot sang Syria padulong sa capital nga Damascus, ang ginkakibot sang bilog nga kalibutan kag nagtapos sang masobra tunga ka century nga brutal nga pagpamuno sang Assad clan.
Ang mga rebelde, nga ginapamunuan sang Hayat Tahrir al-Sham (HTS), ang nag-appoint sa isa ka interim prime minister sang Martes agud magpamuno sang pungsod tubtob sa Marso.
Ang department of political affairs sang bag-o nga gobyerno ang nag-issue sang isa ka statement nga nagapasalamat sa Egypt, Iraq, Saudi Arabia, the United Arab Emirates, Jordan, Bahrain, Oman kag Italy bangud sa pagresume sang mga aktibidad sang ila diplomatic missions sa Damascus.
