Ginpahayag sang activist group nga Bagong Alyansang Makabayan (BAYAN) nga ginatun-an nila ang liwat nga pagfile sang impeachment complaint batok kay Vice President Sara Duterte kun matapos ang one-year ban sa Pebrero 5, 2026.
Suno kay BAYAN chairperson Teddy Casiño, ang plano ang nakadepende sa mangin desisyon sang Korte Suprema sa ila apelasyon matapos gindeklarar sang korte bilang unconstitutional ang nauna nga mga articles of impeachment batok kay VP Sara sang una nga bahin sang tuig 2025.
Suno kay Casiño, madamo nga kondisyon ang gindugang sang Korte Suprema gani mas mabudlay nga magfile sang impeach apang ginpasiguro sini nga may yara sang intensyon ang grupo nga ini ang padayunon.
Madumduman nga sang Disyembre 2024, nagfile ang BAYAN kag Makabayan bloc sang impeachment complaint nga naga-akusar nga ginlapas ni Duterte ang public trust sa ginaalegar indi insakto nga paggamit sang confidential funds, pati na ang pagpamahog sa pila ka mga opisyal sang gobyerno.
