Nabaton na sang iloy sang Bornales siblings ang P120,000 cash assistance gikan sa provincial government sang Negros Occidental.
Kaina sang udto, ginduhol ni Governor Eugenio Jose ‘Bong’ Lacson ang cheke sa iloy nga si Ronelyn Montañez Ansiano.
Dako ang pagpasalamat ni Ansiano sa gobernador sa bulig nga nabaton sini.
Sa karun nagapabilin nga yara sa Intensive Care Unit ang 15 anyos nga dalagita samtang ang 4 anyos naman nga lalaki nakapauli na sa ila balay apang indi pa ini makuhaan sang impormasyon angot sa insidente bangod sa trauma.
Ang 9 anyos naman nga si Desiree ang ginlubong na sang Pebrero 15.
Sa karun padayon ang imbestigasyon sang Special Investigation Task Group (SITG)-Bornales samtang ginahulat ang resulta sang DNA test sa blood stains nga nakuha sa bato nga gingamit lampos sa tatlo ka mag-utod kag sa nail clippings gikan sa mga biktima.
