Balay sa Bago City, natumbahan sang kahoy

Isa ka balay ang nahalitan matapos matumbahan sang puno sang Indian Mango sa ciudad sang Bago kahapon.

Partially-damaged ang balay ni a certain Jocelyn sang Brgy. Don Jorge Araneta, Bago City sang natumba ang puno sang kahoy nga nag-igo sa ila salas.

Sa interview kay Barangay Kagawad Ivan Francisco, tuman ka baskog ang hangin sa ila lugar kahapon rason sa pagkatumba sang kahoy.

Maswerte lang ang tagbalay suno kay Francisco bangud nakasulod lang ini sa kwarto sang natumba ang kahoy sa ila salas.

Samtang may isa pa gid ka Indian Mango ang natumba sa tunga sang dalan sa nasambit man nga barangay kahapon.