Temporaryo nga wala ginpadayun ang natalana nga demolition sang 148 ka mga balay sa Prk Eucalyptus, Brgy Calumangan, Bago City.
Nahibaluan nga nakaplastar na ang mga backhoe kag may mga tawo naman nga ginpadala para sa demolition.
Sa interview sang Bombo Radyo Bacolod kay Christina Masa, homeowner President kag isa ka human rights advocate, ang duta nga ginapanag-iyahan ni Inocencio Manuel Jr. ang ginbaligya na sini sa ila kag may-ara na sang deed of sale.
Apang ang duta ang ginclaim sang mag-asawa nga sanday Jomarie kag Genita Villanueva, nga tenant sang duta.
Suno diri, gin-abandonar sang tenant ang duta bangod ini ang indi maayo nga agricultural land, bangod wala sang tubig kag nagasalig lamang sa ulan.
Sang napabay-an ang duta, nagdesisyon ang tag-iya nga ini ang himuon na lamang nga residential area.
Suno kay Masa, kalabanan sa mga naga-istar sa lugar ang mga himata man sang mag-asawa nga Villanueva.
Pahayag sini nga nagfile sang kaso ang mag-asawa sa Department of Agrarian Reform Adjudication Board sa Quezon City, kag sila ang ginpaboran.
Ginakwestyon sini kun ngaa tuman gid ka agresibo sang sheriff nga mademolish ang mga balay.
Panindugan sini nga indi macover sang Comprehensive Agrarian Reform Program (CARP) ang duta bangod ini ang private land kag wala pa magdangat sa apat ka ektarya.
Pahayag ni Masa nga wala man sila sang mahimo kun idemolish ang mga balay, apang sila ang preparado na nga magfile man sang kaso batok sa mag-asawa nga Villanueva.
Samtang, ginpahayag sang tenant sang duta sa Prk Eucalyptus, Brgy Calumangan, Bago Citynga ginpaboran na sang Provincial Agrarian Reform Adjudication Boardnga sila ang may kinamatarong sa duta, kag wala man sang may mapakita nga titulo ang nagapakilala nga tag-iya nga si Inocencio Manuel Jr.
Sa interview sang Bombo Radyo Bacolod kay Genita Villanueva, ang transaksyon sa pagdumala sang duta ang nagikan pa sa lolo sang iya bana, sa tatay tubtob nga napasa na sa iya bana nga si Jomarie Villanueva.
Wala man sang napakita nga dokumento sa ila tuhoy sa kasugtanansang ila nga mga lolo.
Ginsagod nila ang duta, kag ginpatasukan pa sang duha ka deepwell agud may-ara sang tubig.
Apang bangod sila ang ginkulang pinansyal, may tion nga napabay-an nila ang duta sa sulod sang kapin isa ka tuig.
Sa kada patubas, sila ang nagahatag man sa kay Manuel.
Suno diri, gintamnan nila ang duta kaangay sang sandiya, apang nakibot nalang ini nga may nagapangtakos na sang duta.
Didto lang nahibaluan nga ginbaligya na sa iban ni Manuel ang duta.
Gindangop nila sa DAR Bago City ang reklamo, apang sila ang ginhambalan nga wala sang diber.
Gani nagpangayo ini sang 2nd opinion sa PARAD, nga amo ang nagpasalig nga indi pwede nga ibaligya na lamang sang tag-iya ang duta kun may-ara sang tenant.
Suno kay Villanueva, ginpaboran na sila sang DAR, apang ang mga naga-istar sa lugar ang ginapaboran man sang legal counsel ni Bago City Mayor Mayette Javellana, gani makapila na ka beses nga napostpone ang demolition.
Suno diri, may tion pa nga nagpangayo sang certification si Manuel sa Barangay nga pamatud-an nga iya ang duta, apang ini ang wala ginhatagan.
Panindugan ni Villanueva nga wala sang rasun nga mangayo sang certification si Manuel kun siya ang may titulo.
Nakakuha man ini sang impormasyon nga indi titulado ang duta bangod ini ang gin-agaw lang man sadto sang lolo ukon lola ni Manuel.
Temporaryo nila nga ginpa-untat ang natalana nga demolition matapos may ginpakita nga papel nga nagikan sa Department of Agrarian Reform Adjudication Board (DARAB)nga nagapa-untat sa operasyon.
Iverify pa nila ang letter nga suno diri ginpadala lang paagi sa courier service.
