Gilayon nga ginpaidalom sa booking procedures si dismissed Bamban,Tarlac Mayor Alice Guo ukon Guo Hua Ping, kadungan sang pagpaaresto sa iya sang Pasig City Regional Trial Court (RTC) sa kaso nga human trafficking.
Kaangay sang nakaligad nga booking, liwat siya nga ginkuhaan sang mugshots, finger prints kag nagpaidalum sa medical checkup.
Madumduman nga ginmando sang Pasig Court nga isaylo si Guo sa Pasig City Jail Female Dormitory kahapon apang wala natapos ang documentation.
Bangud diri, posible nga sa Lunes pa ini masaylo sa nasambit nga pasilidad sang Bureau of Jail Management and Penology (BJMP).
Una na nga ginpasiguro sang BJMP nga wala sang igahatag nga special treatment para kay Guo bangud patas suno diri ang ila pagtrato sa tanan nga persons deprived of liberty (PDLs).
