Narecover ang pila ka mga armas, bala kag granada sa bana sang Punong Barangay sa Brgy Consing, EB Magalona kahapon sang hapon.
Sa interview sang Bombo Radyo Bacolod kay Police Lt John Symon Salivan, deputy chief of Police sang EB Magalona Municipal Police Station, sila ang nagserbe sang Search Warrant sa balay ni Punong Barangay Rio Jemella sa Hacienda Buenos Aires, Brgy Consing, EB Magalona.
Ini matapos makabatun sang report tuhoy sa pagpasayang-sayang sang armas sang bana sini nga si Ceazar Jemella, 47 anyos, kag gin-aprubahan sang korte ang request para sa search warrant.
Narecover sa balay sang mag-asawa ang duha ka 12 gauge shotgun, mga bala, cal. 45 pistol kag isa ka hand grenade.
Luwas sa bana sang opisyal, gin-aresto man ang Chief Tanod nga si Ronilo Parcon matapos makuhaan man sang cal. 9mm pistol.
Suno kay Punong Barangay Rio Jemella, sang 2019 siya ang nagpangayo pa sang police assistance bangod sa gina-alegar nagabatun nga death treat gikan sa makawala nga grupo nga naglawig sang tubtob 2021.
Panindugan sang mga ini nga ang armas ang para sa ila dugang nga proteksyon, apang sila ang wala man sang may napakita nga papelis.
Suno kay Salivan, si Jemella ang mangatubang sang kaso sa paglapas sa Republic Act 10591 angot sa paghupot sang illegal nga armas kag Republic Act 1596 sa illegal nga paghupot sang granada.
