𝐍𝐄𝐖𝐒 𝐔𝐏𝐃𝐀𝐓𝐄 |Ginpahayag ni Jamandre nga sa ila follow-up investigation, may isa ka witness nga nagpalapit sa ila kag nagtudlo sa mga suspect.
Ang mga susepct ang nadakpan sa hot pursuit operation sang mga kapulisan kag ginkumpirmar sang witness nga ang mga ini ang imbulbado sa krimen.
Ginkilala ang mga ini nga sanday Rogelio Alonsabe, alyas “Bigboy,” 61-anyos kag Jade Alonsabe, 25-anyos.
Nagapadayon ang imbestigasyon sang kapulisan agud matumod kun ang biktima ang ginbuno ukon purely drowning incident ang natabo samtang ginapaabot ang result sang post mortem examination sa bangkay sang biktima.
Nasapwan ang bangkay sang isa ka 39 anyos nga lalaki nga may mga pilas tuga sang pagpamuno sa irigasyon sa Prk Narra, Brgy Malingin, Bago City, Negros Occidental alas-7:20 subong nga aga.
Ang biktima ang ginkilala nga si Edmon Puerto, 39 anyos, single, vendor, residente sang Prk Goldenfield, Brgy Atipuluan, Bago City.
Sa inisyal nga imbestigasyon, ginpangita si Edmon sang iya mga utod nga sanday Edmar kag Enocencio Puerto kaina sang aga, tubtob nga nasapwan ang lawas sini sa irrigation canal.
Ang lawas ang nagalugdang sa sulod sang irrigation structure ang gilayon man nila nga ginpatakas.
Didto na nakita nga ini ang madamo sang mga samad sa nagkalainlain nga bahin sang iya lawas.
Nagapadayun sa karun ang imbestigasyon kag pagtumod sang motibo sang pagpatay.
