Bangkay sang lalaki nasapwan sa idalum sang taytay sa Brgy San Juan, Pontevedra kahapon sang aga

Nasapwan nga wala na sang kabuhi ang 43 anyos nga lalaki nga naga-utaw utaw sa idalom sang taytay sa Brgy San Juan, banwa sang Pontevedra, Negros Occidental, kahapon kapin alas- 7: 00 sang aga.

Sa interview sang Bombo Radyo kay PCapt Darryl Kuhutan, acting chief of police sang Pontevedra Municipal Police Station, ang biktima ang ginkilala nga si alyas Fernan, residente sang Brgy 1 sa nasambit nga banwa.

Suno diri, sa impormasyon nga ila nakuha masami nga nagapaligo nga hubog si alyas Fernan kag sang gab-i antes ini masapwan, siya nakit-an nga naga-inom sang makahulubog nga ilimnon.