Isa ka lalaki ang nakaagom sang pila ka stab wounds matapos ginbuno sang iya kaingod sa Brgy. Bata, Bacolod City, pasado alas-9:00 kahapon sang aga.
Ang biktima ang ginkilala nga si Ernie, 44 anyos, samtang ang suspek amo si alyas “Ren”, 76-anyos, lunsay mga residente sang Purok Samwill 1, Brgy. Bata, Bacolod City.
Sa interview sang Bombo Radyo Bacolod kay Police Captain Andro Ma-apni, hepe sang Bacolod Police Station 3, nagsugataay ang duha sang hinali nga ginbuno ni Ren si Ernie gamit ang isa ka kitchen Knife.
Nakaagom sang pila ka pilas sa bibig si Ernie, apang minor injuries lamang kag ini ang luwas na sa katalagman.
Suno kay Ma-apni, ang ginhalinan sang insidente ang bangud sa barena nga madugay na nga ginhulam ni Ernie kay Reny apang wala gihapon gin-uli.
Suno kay Ma-apni, masami nga ginasukot sang suspect ang biktima apang nagatug-an lamang si Ernie kun san-o niya i-uli ang gamit.
Suno diri, nahuya mag-uli sang barena ang biktima bangud may guba pa ini kag iya pa nga kay-uhon.
At large pa sa karon ang suspek gani ginapanawagan sang kapulisan sa pamilya ni Ernie nga maghatag sang impormasyon tuhoy sa lokasyon sini kag magsurrender sa Bacolod Police Station 3.
