Lima ka mga Local Government Units sa probinsya sang Negros Occidental ang gin-tag bilang “areas of concern” para sa May 12,2025 national and local elections.
Ginpaidalum sa orange category ang banwa sang Calatrava, Cauayan, kag ciudad sang Sipalay, samtang yara naman sa yellow alert ang banwa sang Isabela kag San Enrique, Negros Occidental.
Sa interview sang Bombo Radyo Bacolod kay Police Major Wilfredo Benoman, hepe sang Calatrava Municipal Police Station, sa bahin sang Calatrava Municipality wala sang mainit nga rivalry sa mga magapapili kag wala man sang problema.
Suno diri, ang rason nga nalakip sa “areas of concern” ang banwa ang bangod sa presensya sang mga nabilin nga miyembro sang Communist Terrorist Group (CTG).
Nagpasalig naman ini nga indi makabig nga pamahog ukon threat ang presensya sang CTG’s sa nagahilapit nga eleksyon bangod manubo lang man ang ila numero.
Panugyan ni Benoman sa mga pumuluyo nga makig-angot sa kasuldadohan kag kapulisan agud masiguro nga malinong ang banwa kag mapabilin ang peace and order.
