Bishop Buzon, ginpangunahan ang misa sa ‘A Trillion Peso March’ nga ginpatigayon sa ciudad sang Bacolod

Ginpangunahan ni Bishop Patricio Buzon sang Diocese of Bacolod ang misa nga ginpatigayon ala-1:00 sang hapon sa ginpatigayon nga A Trillion Peso March kadungan sa paghanduraw sang People Power Revolution.

Masobra 200 ang nagtambog nga ginalakipan sang mga madre, lay ministers, mga estudyate, mga empleyado sang capitol provincial kag iban pa nga nagsuksok sang puti nga tshirt.

Nangin manami naman ang tiyempo sang hapon kasunod sa pagbubo sang ulan kaina sang aga.

Matapos ang misa, nagpadulong sila sa Bacolod Public plaza para sa programa sa A Trillion Peso March.