Ginpahayag sang helper sang resto bar kun sa diin una nga nagpangluthang si Police Staff Sgt Bonifacio Saycon,nga kaupod sini sa bar ang hepe kag duha ka kaupod nga iya man ginluthang sa Sibulan, Negros Oriental.
Sa interview sang Bombo Radyo Bacolod kay Jumar Banagodos, yara ini sa ila balay sang gintawagan ini nga magpadulong sa bar bangod sa nagluntad nga shooting incident.
Ini bangod siya ang may duha ka pakaisa nga babayi nga nagatrabaho man sa bar.
Suno kay Banagodos, ang iya pakaisa ang una nga gintawag nga magtable sa mga pulis, apang wala nagsugot.
Sa baylo, si Chiela Mae Dinawanao amo ang nagbatun sang offer.
Makita sa ginpagwa nga CCTV footage sang SAB Resto Bar, nagtupad si Dinawanaosa hepe sang Sibulan Municipal Police Station nga si Police Captain Jose Edrohil Cimafranca.
Nahibaluan nga nagaseleberar sang kaadlawan ang hepe sa amo nga adlaw.
Kaupod sini sa sofa ang duha ka iban pa, kalakip si Saycon, nga yara sa punta.
Apang pila lamang ka minutos matapos magpungko ang babayi, nagtindog si Saycon kag ini ang ginluthang.
Suno kay Banagodostatlo ka lupok ang nabatian sa una nga pagpangluthang ni Saycon, kag ini ang naggwa, apang nagbalik pa kag liwat nga gintiro sang makaduha ka beses sa ulo ang babayi.
Makita man sa video nga kaangay nga wala lamang reaksyon ang hepe kag ang kaupod sa una nga pagpangluthang, kag sila ang nagreact lamang sa ikaduha nga pagpaniro.
Ginakumpirmar man ni Banagodos nga madamo na sang nainom nga makahulubog nga ilimnon ang mga pulis antes matabo ang shooting incident.
Naguba naman ang panguna nga bahin sang Mitsubishi Lancers ang hepe matapos makabunggo sang sila ang nagpagwa sa bar.
Nahibaluan ngasamtang padulong sa Sibulan Municipal Police Station, ginluthang man ni Saycon ang hepe kag duha pa ka kaupdanan nga sanday Police Senior Master Sgt Tristan Chua kag Patrolman Rey Albert Temblor.
Si Saycon ang nagpauli pa sa ila balay sa Barangay 7, sa banwa sang Tanjay, kag siya ang gin-updan sang iya asawa kag kabataan sa pagsungka sa Tanjay City Police Station alas-10:40 kagab-i.
Siya ang ginturn-over naman sa Sibulan Municipal Police Station alas-3:00 kaina sang kaagahon.
