Patay ang isa ka barangay kagawad matapos nga ginluthang sa Sitio Canorong, Barangay Puso, banwa sang La Castellana, Negros Occidental sang Mayo 1.
Ginkilala ang biktima kay Reynaldo Jacolbe, 49 anyos kag residente sang Sitio Tayubong sa nasambit nga barangay.
Santo sa police report ang biktima ang nagasakay sa motorsiklo sini padulong sa iya nga uma sang ini ang gintiro sang mga wala makilal-an nga suspetsado nga yara nakaposition sa kampo sang tubo.
Nakadrive pa ini sang iya motorsiklo sa kalayuon nga 30 metros antes ini natumba.
Ang biktima ang nakaangkon sang madamo nga pilas sa nagkalain-lain nga bahin sang lawas sini.
Nakarecover naman ang mga imbestigador fired cartridge sang caliber 9mm kag caliber 45 sa crime scene.
Ginalantaw nga posible nga love triangle ang motibo sa pagpatay sa biktima.
Padayon pa ang imbestigasyon sang La Castellana Municipal Police Station agud matumod ang suspek nga nagtiro-patay sa biktima.
