Nagpatigayon ang Estados Unidos sang ikawalo nga military strike sa isa ka barko nga ginaalegar nagaunod sang illicit drugs sa palibot sa international waters.
Apang sa labing una nga kahigayunan, ang nasambit nga barko ang wala sa Caribbean Sea kundi sa Pacific Ocean.
Ginkumpirmar ni Defence Secretary Pete Hegseth nga ang strike ang natabo sang Martes kun sa diin santo sa mando ni US President Donald Trump, nagpatigayon ang Department of War sang isa ka lethal kinetic strike sa isa ka barko nga gina-operate sang isa ka Designated Terrorist Organization kag nagapatigayon sang narco-trafficking sa Eastern Pacific.
Duha ka mga narco-terrorists nga sakay sang barko ang nagkalamatay.
Ang latest strike ang kabahin sang mas ginpasanyog nga military campaign ni Trump batok sa Latin American cartels, nga gintunaan sang mga pamangkot natuhoy sa limitasyon kag legalidad sang iya mga tikang.
