Nagplead guilty si Hunter Biden, ang bata ni US President Joe Biden sa federal tax charges sang Huwebes nga makabig isa ka surprisa kag pinaagi agud malikawan ang isa ka ginalantaw makahuluya nga trial pila ka semana antes ang US Presidential Elections.
Si Biden ang natalana nga mag-atubang sa trial sa isa ka Los Angeles federal courthouse sa mga criminal charges sa kapaslawan sa pagbayad sang 1.4 million dollars nga taxes samtang nagagasto para sa druga, sex workers kag luxury items.
Apang nagplead ini sang guilty sa lunsay siyam ka counts nga iya ginpangatubang.
Suno kay Judge Mark Scarsi, ginhambalan sini si Biden nga siya ang magapangatubang sang tubtob 17 ka tuig sa prisuhan kag tubtob 450,000 dollars nga penalidad.
Natalana ini nga sentensyahan sa Disyembre 16.
