Dakop ang mag-asawa matapos makuhaan sang suspected shabu sa ginpatigayon nga search warrant operation sa ila puluy-an sa Gold Crest Subdivision, Barangay Bata ciudad sang Bacolod.
Ginkilala ang mga suspetsado nga sanday Randy Jamantoc, 37-anyos kag Daquin Jamantoc, 32-anyos.
Sa interview sang Bombo Radyo Bacolod kay Agent Bamboo sang Philippine Drug Enforcement Agency (PDEA), nakuha sa mga suspetsado ang duha ka mga gagmay kag duha ka mga dalagko nga plastic sachet sang suspected shabu.
Ginabanta nga nagabug-at ini sang 120 grams kag nagabalor sang masobra 800 mil pesos.
Nakakustodiya karon ang duha sa PDEA.
Nahibaluan nga si Randy ang bata ni Rhodora Jamantoc nga nadakpan man sa buybust operation sang nagligad nga bulan sang Hulyo sa ciudad sang Talisay kun sa diin nakuhaan ini sang masobra P5 million nga balor sang suspected shabu.
