BACOLOD CITY-Aminado ang pinuno sang Bacolod City Police Office (BCPO) nga kulang ang mga opisyal sang kapulisan sa ciudad kag indi basta-basta nga makapili sang mapungko bilang Deputy City Director for Operations (DCDO) kag pinuno sang City Drug Enforcement Unit (CDEU).
Ini ang kaangot sa pagrelieve kay Police Lt. Colonel Jovie Espenido bilang pinuno sang CDEU sang BCPO kag DCDO.
Ang nasambit nga relief order ang ginpaguwa mismo sang national headquarters sang Philippine National Police (PNP).
Santo man sa order, magareport na si Espenido sa Office of the Chief PNP.
Sa interview sang Bombo Radyo kay Police Colonel Henry Biñas, ginpahayag sini nga nagrequest ini sang dugang nga mga opisyales bangud madamo sang posisyon nga kinahanglan pun-an kag sa karun, masobra sa isa ukon duha ka posisyon ang ginauyatan sang kada opisyal.
Suno kay Biñas, si BCPO spokesperson Police Lieutenant Colonel Ariel Pico kag Bacolod PNP Operations Chief Lt. Col. Lester Leada ang temporaryo nga magapungko sa ginbilin nga posisyon ni Espenido samtang wala pa sang may ginapadala ang Police Regional Office 6 kag Campo Crame.
