Gindagsa sang mga pumuluyo ang Paraiso Beach Resort sa Barangay Punta Taytay, Bacolod City bilang tradisyon na sa pagsug-alaw sang Bag-ong Tuig.
Sa interview sang Bombo Radyo Bacolod kay Police Corporal Alexis Atienza sang Bacolod Police Station 9 kag naka-assign sa amo nga beach resort, ginpahayag sini nga hugot ang ila pagbantay kag pagpatuman sang minimum health protocols agud masiguro nga nagasuksok sang facemask kag face shield ang mga pumuluyo kag naga-obserbar sang social distancing.
Ginadumili man nila ang pag-inom sang makahulubog nga ilimnon sa amo nga lugar agud malikawan ang ginamo kag mapabilin ang peace and order.// Ginalimit naman sa 10 tubtob 15 ka mga persona ang makatipon sa isa ka dako nga cottage.
Suno kay Atienza, matawhay naman ang sitwasyon kag wala sang nagluntad nga ano man nga problema sa beach resort kadungan sang pagsug-alaw sang Bag-ong Tuig.
