Ginpakigbahin ni Chelsea Fernandez nga nadulaan siya sang P100,000 matapos malipatan sa sulod sang salakyan nga iya gin-book paagi sa Transport Network Vehicle Service (TNVS) app.
Sa Instagram, ginpakigbahin sang beauty queen ang video niya sa stage sang coronation night sang The Miss Philippines 2026 kag may caption nga nagasaysay sang natabo.
Suno sa iya, natabo ang insidente pagkatapos sang pagtambong niya sa pageant event.
Sa caption, ginpabutyag niya ang pagkadismaya.
Nagpahayag man ini sa comments section nga gin-report na niya ang insidente sa ride-hailing app kag nagalaum nga ma-resolve ini sa labing madali nga panahon.
Sa karun, nagpatigayon na sang imbestigasyon ang InDrive kag na-contact na si Chelsea kag ang driver.
Si Chelsea ang ginhingadlan nga Miss Cosmo 2025 1st Runner-Up sa pageant nga ginpatigayon sa Vietnam sang Disyembre 2025.
Nagtambong ini sa Miss Philippines 2026 coronation event agud koronahan si Bella Ysmael nga successor niya bilang Miss Cosmo Philippines 2026.
