Nagpatigayon sang produktibo nga mga paghinun-anon ang Bureau of Fire Protection (BFP) kaupod sa Korea National Fire Agency (KNFA) kag Korea Fire Institute (KFI) sa South Korea angot sa plano nga pagkuha sang mga fire truck paagi sa Government-to-Government (G-to-G) procurement.
Ini nga inisyatibo ang kabahin sang Service Establishment and Service Upgrading and Modernization Program sang BFP nga nagatuyo sa pagpauswag kag pag-modernize sang serbisyo sa pagprotekta sbatok sa sunog sa bug-os nga pungsod.
Pagkatapos sang 35 ka tuig halin sang natukod ang BFP sa idalom sang Republic Act No. 6975, nagapalapit na sa katumanan ang handum nga mahatagan sang serbisyo sa sunog ang tagsa ka lugar sa pungsod.
Ginalantaw man sa mga paghinun-anon ang posible nga pagkuha sang mga fireboat para sa mga marine fire station sang BFP. Ini agud mapalig-on ang kapasidad sa pag-apula sang sunog kag pagresponde sa emerhensya, ilabi na sa mga komunidad sa baybayon kag mga lugar nga may kaangtanan sa kadagatan.
