Nag-aregluhanay na ang isa ka rider kag ang ginareklamo nga 18-anyos nga lalaki nga nagpainom sa iya sang tubig nga naghalin sa sapa durante sang ginpatigayon ang Balik Yuhom XC Race sang Oktubre 2.
Sa interview sang Bombo Radyo Bacolod kay Punong Barangay Lendi De Leonsang Barangay Vista Alegre, nangin matawhay man ang pag-estoryahanay nanday Rolly Ray Alejo kag Khylie Nicole Montecado sa barangay hall sang Brgy. Vista Alegre, Bacolod City kaina sang aga.
Suno kay De Leon, personal man nga nagpangayo si Alejo sang pasaylo kay Montecado.
Wala naman sang ipasaka nga kaso batok kay Alejo.
Ginpakamaayo man ini sang punong barangay kag sang pamilya ni Alejo bangud may yara pa ini sang bwas-damlag.
Si Alejo man ang masabat sang gastuson ni Montecado sa laboratories sini santo sa ginrequest sang doctor sini.
Madumduman nga nagviral sa social media ang isa ka video nga ginpost kun sa diin ginhatagan ni Alejo si Montecado sang tubig nga ginkuha sini sa sapa nga may nagatubog nga karbaw.
