Bise-alkalde sa Maguindanao del Sur, gin-ambush

Patay ang bise-alkalde sa Maguindanao del Sur kag ang security aide sini matapos nga sila ang gin-ambush sang Biyernes sang hapon.

Sa inisyal nga impormasyon, si South Upi Vice Mayor Roldan Benito, ang mga miyembro sang iya pamilya kag security detail ang yara sa isa ka pick-up truck sa Barangay Pandan sang sila ang gin-atake.

Pilason naman ang asawa ni Benito nga isa ka punong barangay, ang ila bata kag isa pa ka security escort sa insidente.

Sa karun nagapadayon ang hot pursuit operation sang kapulisan sa mga suspetsado.