Ang homiliya subong nga adlaw sa pagselebrar sang Ash Wednesday may mensahe nga ang Diyos nagalantaw sa sakripisyo sang tawo.
Sa misa nga ginpatigayon sa San Sebastian Cathedral sa pagpanguna ni Bishop Patricio Buzon sang Diocese of Bacolod, nagsugod na subong nga adlaw ang paghiwat sang Kwaresma kag ang Miyerkules de Badlis amo ang paghanda sa pinaka-importante nga hitabo sa Ginoo humalin sa pagluwas sini sa katawhan, tubtob sa kasakit nga iya naagyan kag sa iya kamatayon kag pagkabanhaw.
Suno diri, kaangay na lamang sang nagtaliwan si Pope John Paul II madamo sang spekulasyon kun sin-o ang masunod nga magabulos bilang Santo Papa.
Napilian si Pope Benedict XIV ang magabulos kay Pope John Paul II kag madamo sang nakibot bangod baliskad ang paminatasan sini kun ikumpara sa nagtaliwan nga Santo Papa.
Apang, pa-athag ni Buzon, lain ang spekulasyon sang tawo kag sang mga Cardinals.
Ang ila ginapangita amo ang isa nga nakahibalo sang sitwasyon sang kalibutan kag nagakadapat lamang nga si Pope Benedict ang napilian.
Pahayag ni Buzon, ang Ginoo nagalantaw sa sakripisyo sang tawo kag siya nagahatag sang balos.
Suno diri, ang tawo nga nagasakripisyo kag wala nagapahibalo sa iban, nakabaton na sang balos nga para sa ila.
